السلآم عليكم ورحمه الله وبركآتهـ
... مدخل
اولآ اعذروني على تحريمي لـ البرمودا
اعلم انه لايجوز تحليل ماحرم الله
او تحريم ماحلل الله
ولكن الموضوع مجرد جذب لااكثر
هاذا ليس موضوعنآ ولا اريد الاطاله
...
يسعد صبآحكم ومسآئكم
> اشتقت لكم
اليوم طلعنآ انا واهلي لـ السوق
تقضينا مقاضي رمضآن عند بنده الله يبلغنآ رمضآن والمسلمين
يوم خلصنآ , اهلي دخلو سيتي مكس بنفس المجمع
وانا رحت وديت الاغراض بالسيآره ورجعت
جيت بدخل سيتي مكس الا السكيورتي رفض يدخلني
يقول: ممنوع تدخل
قلت: ليش
قال: لبسك ممنوع
قلت: ليش مآشي مفصخ انا
قال: ممنوع لبس البرمودا
قلت: ليش
قال: مالي علاقه شوف الهيئه هناك هما المانعين
يوم جو الهيئه قالو ممنوع يالحبيب تدخل
قلت: ليش طيب وش السبب
قال: لاتطول الكلام الله يهديك
قلت: طيب لييييييييش
قال: ممنوع لبس البرمودا بالاماكن العامه
قلت: عطني سبب مقنع واحد انه ممنوع
قال: ممنوع من(قالي من وين بس نسيت) مو منا
قلت: اهلي داخل جوا وانا بس بشتري من قسم الرجال وبطلع
قال: شوف مليان حرييم (كان شبه فآضي)
قلت: واذا مليان انا مالي علاقه فيهم انا بشتري من قسم الرجال وبعدين شوف الرجال جواا
قالي: ترضى اختك تشوف رجال لابس برمودا
قلت: ايه ارضااا دام الرجال ماسوا شي غلط
قال: لاتطوول كلام الله يصلحك
قلت: البرمودا موووحرآآآآآم ومشيت
.,’
القصه قصه تخلف مع احترآمي
لـ صآحب قرآر منع لبس البرمودا بالاماكن العامه
بل اشد من تخلف الا التخلف يتبرا منه يقول انا مالي علاقه
طيب ليش مايمنعون من يلبس جينز طيحني مادري ارفعني
هو الاحق بمنعه فاانا هنآ مع
اما منع لبس البرمودا هاذا شي عجيب
عوره الرجل من السر الى الركبه
والبرمودا تحت الركبه
فـ وين المشكله يعني
شي عجيب للمعلوميه هاذي المره الثآنيه صآرت لي نفس الموقف
الاولى كانت قبل شهور بمهرجان منع دخولي السكيورتي
انا حسبالي يمزحه >.<
ولكن للآسف نعيش في بلد لاوجود للحريه الشخصيه فيهآ
مخرج ...
هاذا كان الموقف وهاذي وجهه نظري انا
يمكن يكون لكم وجهه نظر مختلفه يمكن تكونو مع القرار
و ضدي لااعرف فـ هاذا سبب الموضوع
انتم ايش رايكم في هالقرار
هل تشوفونه مثل مااشوفه انا تخلف
او لكم وجه نظر مختلفه
او يمكن تقولو لي وش السبب
و ليشش وتجاوبوني دام الهيئه ماجاوبوني عن السبب
لكم تحيآتي وحبي