معا نحو بيت مسلم منظم ونظيف ( الجزء الرابع بحمد الله )

السلام عليكن ورحمة الله وبركاته
المرة دي باذن الله مش هاكتب مقدمات
هادخل في الموضوع علطول

الجزء اللي فات كنت حاطة روابط المشاركات المهمة في الجزئين الأول والثاني
بس المرة دي فيه ناس قالت انها بتكسل تفتح الروابط وطلبت مني انقل المشاركات المهمة علطول
وطبعا مقدرش أزعلهم خالص مش ح اتكلم خالصمحرجة
وبناءا عليه رجاءا بلاش ردود الوقتي لغاية ما أقول لكم تردوا
اتفقنا ؟؟؟؟؟؟؟؟؟؟؟؟؟؟؟؟

نبدأ على بركة الله

أولا الهدف من هذا الموضوع :
1- الوصول إلى بيت مسلم بكل معانيه وعلى مستوى جميع أفراده ( الأم - الأب - الأبناء )
2- الوصول إلى بيت منظم ونظيف يكون قدوة لجميع البيوت وكذلك صورة للبيت المسلم الذي يرضاه الله ورسوله
3- تشجيع جميع السيدات والبنات على حذو نفس المنهج والطريق
4- كما تهتمين ببيتك عليكي ان تهتمي بنفسك دينيا وروحانيا وجسمانيا فليس معنى الاهتمام بنظافة البيت ان تهملي دينك وصلاتك وقرآنك وان تكوني امرأة دميمة مهلهلة الملابس منكوشة الشعر
5- أيضا ان تهتمي بأولادك ومذاكرتهم ودروسهم وكذلك دينهم وأخلاقهم وأيضا تعليمهم النظام والنظافة


شوفي يا حلوة انتي وهيا
عايزة تنظمي وقتك
تعالي اقولك أول خطوة تعمليها ايه

هاتي الآتي
فرجار ( واوعوا حد يقولي يعني ايه فرجار برجل طبعا ) ومنقلة ومسطرة وقلم رصاص وقلم جاف أزرق وقلم جاف أحمر وطبعا ورقة بيضاء كبيرة بدون سطور يعني ورقة طباعة او ورقة من كراسة رسم كبيرة

هتعملي ايه بقى
هترسمي بالفرجار دائرة كبيرة في منتصف الورقة البيضاء
وبعدين تجيبي القلم الرصاص والمسطرة وترسمي خط أفقي يمر بمركز الدائرة يعني قطر يعني هههههههه
وبعدين بالمنقلة هتقسمي الدائرة كلها 12 قسم يعني كل قسم يعمل زاوية 30 درجة
وهتكتبي الارقام من 1 الى 12 على الخطوط دي
كده يا حلوين الشاطرة تقولي احنا عملنا ايه ؟؟؟؟؟؟؟؟

رسمنا ساعة
صح
برافو عليكم

هنعمل ايه بالساعة دي
هتكتبي داخل الدائرة الأعمال اللي هتعمليها في الساعة دي
يعني مثلا
في القسم الخاص بتاع من الساعة 1 إلى 2 هتكتبي كلمة نوم باللون الأحمر وكلمة عمل مثلا للي بتشتغل باللون الأزرق
وده معناه انك من الساعة 1 ص الى 2 ص هتكوني نايمة ( نوم العوافي ) ومن الساعة 1 م الى الساعة 2 م هتكوني في الشغل
وهكذا في بقية الساعة
الأعمال اللي من الساعة 12 صباحا الى 12 مساءا ( يعني الظهر ) تكتب باللون الأحمر
والأعمال اللي من الساعة 12 م الى الساعة 12 ص تكتب باللون الأزرق

والورقة دي تعملي زيها كذا نسخة بنفس الألوان يعني مش تصوريها ونفس الأعمال وتعلقيها في اكثر من مكان في البيت علشان تكون امامك في كل مكان تروحي فيه وتبصي عليها وتحفظيها وتنفذيها

ويا ريت الورقة اللي هتحطيها في المطبخ تغلفيها علشان الزيت اللي في المطبخ يعني حطيها في كيس مثلا من اكياس الثلاجة وغلفيها كويس بيه وعلقيها او دوسيه من البلاستيك الشفاف بتاع الاوراق ده ( اكيد عارفينه ) والأغلى طبعا التغليف الحراري زي بتاع الكرنيهات كده بس ليه نروح للأغلى وفيه طرق تانية سهلة ورخيصة

ويا ريت كمان لو تقعدي مع أولادك تعملي ليهم جدول بالساعة برده زي كده
وخليهم يشاركوكي في عمله علشان يفرحوا بيه ويلتزموا بيه

أرجوا تكونوا فهمتم الفكرة وتعجبكم وتنفذوها في اسرع وقت وتيجوا تقولوا لي عملتوا ايه


ورد المحاسبة اليومي

جزء الواجب الديني
الأول علشان نكون فاهمين درجات الصلاة الفرض بنحسبها ازاي ؟؟؟
الصلاة في أول وقتها بالسنن عليها 5 درجات
ولو صليتي في أول الوقت ومصلتيش السنة تحطي 4 درجات من الخمسة
ولو صليتي بعد أول الوقت ولكن ليس قضاء يعني مش بعد دخول وقت الصلاة اللي بعدها وصليتي السنة تحطي 3 درجات من الخمسة
ولو صليتي بعد أول الوقت ومصلتيش السنة تحطي 2 درجتين بس من الخمسة
ولو صليتي قضاء سواء صليتي السنة أو لا تحطي درجة واحدة فقط
وطبعا قلنا أكيد مفيش واحدة مننا هتسيب الصلاة من غير عذر شرعي

صلاة الفجر ( 5 درجات )
صلاة الظهر (5 درجات )
صلاة العصر ( 5 درجات )
صلاة المغرب ( 5 درجات )
صلاة العشاء ( 5 درجات )
أذكار بعد الصلاة ( 5 درجات ) درجة لكل صلاة
صلاة الضحى ( درجتان )
أذكار الصباح ( درجتين )
أذكار المساء ( درجتين )
الاستغفار ( درجتين )
التسبيح ( درجتين )
الدعاء ( درجتين )
الصلاة على الرسول ( درجتين )
تجديد النية ( 5 درجات )
قراءة قرآن ( 5 درجات )
حفظ قرآن ( 5 درجات )
مراجعة قرآن ( 5 درجات )
أعمال عبادية أسبوعية أو شهرية أو سنوية ( 5 درجات )

جزء الواجب المنزلي
تجهيز الإفطار ( درجتين )
تجهيز الغداء ( درجتين )
ترتيب الشقة ( 5 درجات )
كنس الشقة ( 5 درجات )
غسيل المواعين ( 5 درجات )
تنظيف المطبخ ومسح الأرض ( 5 درجات )
تنظيف الحمامات الأحواض والقاعدة والأرضيات ( 5 درجات )
التخلص من أكياس القمامة ( درجتين )
أعمال منزلية أسبوعية أو شهرية ( 5 درجات )

جزء الاهتمام بالأولاد
اللعب مع الأولاد ( 5 درجات )
المذاكرة مع الأولاد ( 5 درجات )
قراءة قصة للأولاد قبل النوم ( 5 درجات )
الصبر على الأولاد ( 5 درجات )
تحفيظ الأولاد قرآن ( 5 درجات )

جزء الاهتمام بالنفس والزوج
ممارسة الرياضة ( 5درجات )
الاهتمام بالزوج ( 10 درجات )
الاهتمام بالنفس ( 10 درجات ) ويشمل عمل الماسكات والأقنعة والاهتمام بمظهرك وتنمية هواياتك

حلو