اسئلة بايخة يومية لا غنى عنها........

بتعرفو شو أحلى شي بالدنيي
نحنا .. ولك إي إي نحنا ..
ولله نحنا نهفه .. يحرىء حريشنا ما أحلانا

طيب ..
اقرؤوا هالاسئلة الحلوة ..

وشوفو أجوبتنا الأحلى ..



بشوفو مرى حبلي بطنا واصل لحلئا ..
بيسألووو ... شو حبلي ؟؟؟؟؟؟؟؟؟
لا ولله .. بس نافخة شوي بطني وحاطا جبسي جوّاااا

بشوفو واحد حامل كتبو ورايح ع جامعتو
بيسألوووو شو رايح عالجامعة ؟؟؟؟؟؟؟؟؟
لاولله .. رايح عالمسبح أتشمس

بشوفو واحد عم يسجل بمكتب التسجيل للباحثين عن عمل
بيسألووووو ... شو مالئيت شغل ؟؟؟؟؟؟؟؟؟
لا ولله لئيت .. بس حابب زيد نسبة البطالة بالبلد

بشوفو واحد حامل علم الكرامة ورايح عالملعب
بيسألووووو ... شو رايح عالملعب ؟؟؟؟؟؟
لاولله .. رايح عالمعهد عندي درس

بشوفو واحد ع أساس كان بدو يسافر
بيسألوووو ... شو ماسافرت ؟؟؟؟؟؟
لاولله سافرت .. بس ئجيت شي ساعتين دائت خلائي بالغربة

بشوفو واحد لابس تياب جديدة
بيسألوووو .. شو مشتري تياب جديدة ؟؟؟؟؟؟
لاولله .. شحادة بس هنّي جدد

أما بالبيت ..
أهلك بشوفوك علّئت الحمام عالكهربا ..
بيسألوووو .. شو بدك تتحمم ؟؟؟؟؟؟
لاولله .. حابب أتشمس عالطاقة الكهربائية

أهلك بشوفوك ئالب الخزانة عليك ولابس كل تيابك
بيسألووووو .. شو رايح ؟؟؟؟؟؟؟
لاولله بدي ئعد اتفرج ع نور ولميس

أهلك بشوفوك فتحت باب البرندة بدك تطلع
بيسألووووو .. شو طالع توقف عالبرندة ؟؟؟؟؟؟
لاولله .. طالع زت حالي من البرندة

أهلك بشوفوك فايت عالبيت
وهاي أبشع شي .. بيسألووووو شوووو ئجيت ؟؟؟؟
لاولله .. شي نص ساعة بجي ..

انت نايم .. بفوت حدا ع غرفتك بئلك شو نايم ؟؟؟؟
لاء عم ألعب

انت فئت وطلعت من غرفتك ... شافك ابوك مثلا
بيسألك ... شو فئت ؟؟؟؟؟؟؟
لاولله لسعتني نايم بس شايف منام إني عم امشي

إنتي بتسأل امك .. أميييييييي مطوّل الغدا ..
بتسألك هيي .. ليش جوعاااااان ؟؟؟؟؟
لاولله ماني جوعان بس عم أتمايع شوي .. :


إيـــــــــــــــــــــــــــــــــــــــــــــــــــه
مائلتلكن نحنا نهفه

ههههههههههههه
مشكور أخي موضوع حلو كتير

هههههههه مشكور يا الفارس موضوع جميل جدا

عنجد شي بعصب
مشكورين لردودكم

ههههههههههههههههههههههههههههههههههههه

يسلمووو يافارس الموضوع
ماننحرم جديدك

شكرا لردودك

ههههههههههههههههه مزبوط كل يوم بتصير معنا وما منعرف ليش هههههههه
شكرا كتير يا الفارس